INTERNATIONAL News —- Balik-military base eon ro pilang Russian troops matapos ro andang exercises maeapit sa Ukrainian border sa pihak it paeag nga pagsakop sa Ukraine.
Raya hay kasunod it pueong nanday Russian President Vladimir Putin ag German Chancellor Olaf Scholz sa Moscow bilang kaparte it diplomatic negotiations.
Owa pa it gintau nga detalye ro Russian Defense Ministry kun ano kaabu nga soldado ro nag-pull-out.
Bukon man it kumbinsido ro North Atlantic Treaty Organization (NATO) ag pilang miyembro kara kapareho it UK kun seryoso ro Russia bangud nga owa pa man sigon ginapabalik sa military base ro masobra sa 100,000 Russian troops nga nakapalibot sa Ukrainian border.
Nagpanindugan si Putin nga pagapabalikon kara ro mga tropa kun indi magapasakop ro Ukraine sa NATO apang indi raya matuman hay nagpaandam ro Russian president it nuclear war sa Eastern Europe.
