BALITANG Espesyal —- Gina-istoryahan makaron sa Japan ro sangka restaurant sa Osaka nga nagabaligya it Miso ramen nga may ice cream!
Ginapakilaea it restaurant nga Franken ko nagtaliwan nga Enero ro pinakabag-o nanda nga menu item.
Gintawag nanda raya nga Amakara Miso Ramen ag raya hay sweet and sour Miso ramen nga may toppings nga soft serve ice cream in a cone.
Ro sabaw it nasambit nga ramen hay may pinaghalong miso, gochujang red chili paste ag broth nga halin sa pork, beef ag chicken.
Ginpabugae it Franken nga bagay ro sabaw it andang ramen kon ginahaluan raya it soft serve ice cream.
Pilang buean ro gin-ubos nanda sa andang test kitchen agud nga sayuron kon anong klase it ice cream ro maga-bagay ag natukiban nanda nga naga-complement ro lasa it milk chocolate soft serve ag spicy miso.
Bukon it raya ro unang kahigayunan nga nagbaligya it kakaibang ramen ro Franken.
Ko nagtaliwan nga dag-on, nagbaligya sanda it ramen nga may cotton candy.
Ro unang plano it Franken hay ibaligya eamang raya sa sueod it sang domingo apang bangud nga ginapikahan ro kakaibang ramen nga may ice cream, nagdesisyon ro management nga obrahon nga available raya sa andang menu hasta sa katapusan it March 2022.
Nagabalor ro sangka bowl it Amakara Miso Ramen it 850 Yen.
