KALIBO, Aklan—Nagpatuman it bigtime oil price rollback sa produktong petrolyo ro phoenix gasoline station sa may bahin it Brgy. Bulwang, Numancia.
Suno kay Michelle Villaruel, manager it nasambit nga gasolinahan nga ro pagnaba it presyo it langis hay posibleng bangud sa development sa kinagamo sa tunga it Russia ag Ukraine rason nga nagnaba man ro presyo kara sa world market.
Kapin sa P11.45 ro gin naba sa presyo it diesel samtang tig-P5:45 sa unleaded ag premium.
Ginpahayag dugang nga antes pa man nakaangkon it oil price increase hay dumagsa ro mga motorista nga nagpatughong sa andang mga behikulo kon siin somobra sigon sanda sa target kada adlaw.
Apang, gulpi man nga nagnaba ro andang sales pagkaagahon bangud nga masyadong mataas ro gindugang sa presyo it produktong petrolyo.
Sa pihak kara, posible sigon nga makabawi ro mga gasolinahan sa Aklan makaron nga dominggo bangud sa pagnaba man it presyo kon siin haeos tanan nga mga maeagkuang kumpanya hay nagpatughong eon it langis sa andang mga behikulo.
