KALIBO, Aklan–Sa kabilugan nga 327 nga barangay halin sa 17 nga banwa sa Aklan, 220 ro makabig makaron nga drug-cleared.
Raya ro ginpahayag ni Agent 5 Jane Fatima Tuadles it PDEA-Aklan base sa andang record.
Suno kana nga sigidas ro andang monitoring sa barangay maskin pa nga gindeklara sanda nga hilway eon sa iligal nga droga.
Padayun man ro andang pakikipag-angot sa mga barangay officials sa pag-monitor sa mga nagsurender dati , kun sa siin kinahangean nga ro andang Barangay Anti-Drug Abuse Council ukon BADAC hay aktibo.
Sa pihak nga parte, umpisa enero hasta marso it makaron nga dag-on, nakapatigayon ro PDEA kabulig ro PNP it waeo nga anti-drug operations ag naka-aresto it pitong drug personalities.
Sa nasambit nga numero, lima ro eaeaki ag daywa ro babaye.
Kadungan kara, ro anang pag engganyo sa mga drug users nga magpundo eon sa andang bisyo kun sa siin may ginatanyag nga rehabilitation program kamana man sa mga pushers nga may programa ro balay silangan kanda pinaagi sa pagtau it legal nga livelihood program.
