-- ADVERTISEMENT --
KALIBO, Aklan–Nasubuan ro pilang miyembro it LGBTQ+ Community matapos nga madaeahig ro andang grupo kasunod it ginhimo nga pagpangloko it sangka agi sa mga establisysmento sa nagkaeain-eain nga banwa sa probinsya it Aklan.
Suno kay Asia Adriana Ybarra, sangka Salon owner sa banwa it Kalibo nga eubos imaw nga nadismaya sa hitabu bangud nakakasamad raya sa andang pangkabilugan nga imahe.
Indi sigon dapat pag-itolerar ro makarondaya nga hilimuon eabi pa ag maabu ro nagakalisod sa tunga it pandemya.
Nag-apela man imaw sa mga pumueoyo nga indi pagdaeahigon ro ibang miyembro it LGBTQ sa pagkasaea it sangka tawo.
Nagaeaum sigon sanda nga madakpan eon ro nasambit nga persona para mataw-an it nagakaigo nga penalidad.
-- ADVERTISEMENT --
