KALIBO, Aklan–Ginlaygayan it sangka negosyante ro mga tag-ana it negosyo ag kahera nga maging alerto sa modus it pilang indibidwal nga nagasueod sa andang establisysmento.
Suno kay Mr. Albert Manalo, sangka businessman sa banwa it Kalibo nga bukon eon it bag-o ro makarondaya nga estilo it mga manugloko partikular ro paglito sa mga kahera kapareho it gina-ubra it sangka LGBT member sa pilang establisyemento sa probinsya it Aklan.
Ko mga nagtaliwan nga adlaw, nagkalhit sa social media ro litrato it sangka LGBT member nga gina-alegar nga nagpang biktima sa pilang establisyemento pinaagi sa pagbaylo it ginatao kara nga kwarta sa kahera.
Makit-an sa mga nag-eapta nga video nga nagabakae raya ag pagkatapos nga bayaran ro mga pinamak-ean hay pagahambaeon nga kueang ro ginsilyo kana.
Sa pag-usisa sa pilang CCTV footages, natukiban nga madasig kara nga ginsueod ro ibang kwarta sa anang daea nga bag.
Nagaeaum man si Manalo nga madakpan eon ro nasambit nga persona sa mas madali nga panyempo agud nga indi eon raya makapang biktima.
