KALIBO, Aklan–Naging madinaeag-on ro ginpatigayun nga final testing and sealing it Vote Counting Machine (VCM) it Commission on Elections (Comelec) sa bilog nga probinsya it Aklan makaron nga adlaw.
Raya hay bilang preparasyon para sa national and local elections sa adlaw it Lunes.
Suno kay Crispin Raymund Gerardo, tagapaghambae it Comelec-Aklan nga syento porsyento nga naga-gana ro VCM nga pagagamiton sa 327 nga kabarangayan sa bilog nga probinsya.
Owa sigon it dapat nga ikabaeaka ro mga pumueoyo apisar nga nakaangkon it aberya ro ap-at ka mga VCM.
Suno kay Gerardo, insigida sanda nga nagpatigayun it troubleshoot sa sambilog nga VCM sa banwa it Kalibo samtang ro tatlong machine hay ginpadaea sa Cebu para sa repair.
Ginpasiguro man kara nga indi raya makaapekto sa andang preparasyon bangud haum eon ro komisyon sa pagahiwaton nga eleksyon.
