KALIBO, Aklan — Owa pa it nailistang mga mabahoe nga problema sa pag umpisa it 2022 National and Local Elections sa bilog nga Western Visayas.
Raya ro ginpahayag ni Rev. Fr. Marco Sulayao, tagapaghambae it Kontra Daya Region 6, sangka independiyenteng tagapagbantay it eleksyon agud nga bantayan ro tanan nga mga hitabu sa adlaw it eleksyon.
Apang may pila sigon sanda nga nabaton nga reklamo angot sa aberya sa mga vote counting machine ukon VCM partikular ro pag-eu-ad it balota , over vote ag iba pa , apang madasig man sigon nga naresolba it mga naka assign nga board of election inspector.
May reklamo man sigon nga nabaton angot sa maeapnagon nga vote-buying kabi-i, apang ro problema owa it sin-o man nga may nagabaskog it buot nga magreklamo.
Mag-eowas kara ro red tagging partikular ro pagpakalhit it impormasyon it military eabi eon ro NTF-Elcac nga indi iboto ro mga progresibong partylist group ag pilang kandidato sa pagkasenador.
Gin abusuhan man ni Fr. Sulayao ro mga botante nga sanda gid ro magsalang it andang balota sa VCM ag indi basta bastang itugyan sa mga agresibong watchers ag BEI.
