KALIBO, Aklan—Gilayon nga nagsunod sa mandato it commission on election ukon comelec si re-elected Kalibo sangguniang bayan member Augusto Tolentino sa pagkakas it anang mga campaign paraphernalias kaparehas it mga tarpaulins sa pagtapos it 2022 national and local elections.
Suno kana, tuyo kara nga ipakita sa publiko ro pagsunod sa rules and regulations bangud nga sambilog raya sa mga mandato it komisyon antes pa man ro pagsabak nanda sa kampanya.
Sa tanan nga pampublikong lugar hay napangkakas eon ro anang nakabalandra nga mga tarpaulins agud nga malimpyuhan man ro libot.
Sa pihak kara, uman nga ginpasaeamatan ni SB Tolentino ro mga kalibonhon sa uman nga pagbutang kana sa konseho.
Ginpasiguro kara sa mga pumueoyo nga magapadayon ro anang minatuod-tuod nga pagserbisyo.
Maabo sigon makaron ro anang mga nakataeana nga proyekto sa tanan nga kabaryuhan it banwa.
