Ginrekomenda ni Pangueong Rodrigo Duterte sa pasueod nga bag-ong Kongreso ro pagbungkag eon sa partylist system.
Sa anang talk to the people, gintaw-an it punto it pangueo nga ginagamit eon ro partylist sytem para isueong ro interes it makawaeang grupo.
Apisar nga bukon man it tanan, maabu sa gihapon suno kana nga mga partylist group nga nagasueod sa gobyerno para raya hay samaron ag sanda ro magbaylo.
Owa man sigon it ginhimo ro makawaea nga mga partylist group kundi lokohon eamang ro gobyerno.
Angot kara, ginpahayag it pangueo nga sinuman ro bag-ong gobyernong magasueod, raya eon ro tamang tyempo nga magsueong it inisyatibo nga bag-uhon ro konstitusyon sa pamaagi it constitutional convention ag i-convert raya sa federal form of government halin sa naga-iral nga feudal system of government.
