KALIBO, Aklan—Nagpatigayon it black friday protest ro Bagong Alyansang Makabayan ukon Bayan-Aklan kaibahan ro nagkaeain-eain nga sektor sa atubang it taeatapan it Commission on Elections ukon Comelec Aklan.
Tuyo kara nga iprotesta ro pagpanguna makaron nanday presumptive president Ferdinand Bongbong Marcos ag presumptive vice president Sara Duterte-Carpio sa nagapadayun nga canvassing of votes para sa 2022 national elections.
Suno kay Kim Sin Tugna, provincial coordinator it Bayan-Aklan nga nagapati sanda nga may natabu nga dayaan.
Ro natapos sigon nga eleksyon hay nagasimbolo it pagpatay sa demokrasya.
Padayun suno kana nga nakikipag angot ro team ni robredo ag makabayan bloc sa National Union of Peoples Lawyers para sa mga tikang nga dapat nga obrahon.
