KALIBO, Aklan–Nagakinahang-ean makaron it mga enumerator ro Philippine Statistic Authority ukon PSA para sa andang programa nga community base monitoring system.
Suno kay Peter Mangilog, tagapaghambae it PSA-Aklan, tinutuyo it nasambit nga programang masayuran kon pila ro poverty incident sa sangka munisipyo bangud nga uwa gid sigon it scientific data kon pila ro percentage it mga matumod nga kubos sa sangka banwa.
Dugang pa kara nga tuyo nga maging available ro datus kada munisipyo bangud nga sa makaron hay kada probinsya eamang ro andang listahan.
Ginpahayag dugang ni Mangilog nga ro nasambit nga programa hay dapat lokal nga gobyerno ro nagapatigayon kara partikular sa pagfinance ag ro PSA hay nagasuporta eamang pag-abot sa technical activity.
