Aprubado eon it sangguniang panlalawigan it Aklan ro resolusyon nga ginduso ni Aklan second district board member Jay Tejada, chairperson it committee on environment angot sa pagta-o it awtoridad kay Aklan governor Florencio Miraflores nga magsueod sa memorandum of agreement sa tunga it Department of Environment and Natural Resources (DENR) region VI agud nga magkriar it Ibajay panakuyan river integrated watershed management council.
Ginpaathag ni Tejada nga polisiya sigon it provincial government nga protektahan ag maadvanced ro kinamatarong it mga tawo sa sangka balanse ag healthful nga ekolohiya agud nga maharmonize ro nature eabi eon makaron nga may climate change.
Ro konseho nga ginakriar hay sanda ro makabig nga planning and governing body bangud sanda ro magadetermina it mga problema, concerns ag magata-o it rekomendasyon agud nga mataw-an it pondo ro proyekto.
Ginpahayag dugang ni Tejada nga kinahang-ean nga may council nga ma-establisar bangud nga sanda ro magamintina, magapreserba ag magakonserba sa tanan nga communal ag river system.
