Nag-host ro Philippine Air Force (PAF) it Japan Air Self Defense Force (JASDF) para sa ikaywang pag-uman it Bilateral Training on Humanitarian Assistance and Disaster Response (HADR) ag Search and Rescue (SAR) Execution nga ginakabig ga “Doshin-Bayanihan 2- 22./
Ginpahayag ni Lt. Gen. Connor Anthony Canlas Sr., PAF Commanding General, nga ro pag-ensayo hay ginhiwat sa nagkaeain-eain nga air base kaibahan ro Clark Air Base (CAB) sa Mabalacat City Pampanga; Colonel Ernesto Ravina Air Base (CERAB) sa Capas, Tarlac ag Wallace Air Station sa San Fernando, La Union halin Hunyo 21 hasta 24.
Masobra 300 PAF personnel ag 16 JASDF personnel ro nagtambong sa nagkaeain-eain nga aktibidad kapareho it flight training nga may airdrop ag ground load/offload gamit ro C-130 aircraft halin sa daywang nasyon.
Ro PAF contingent hay gindumaeahan ni Col. Jerry Paneda, acting Director for Operations (DO) it 580th Aircraft Control and Warning Wing (ACWW), samtang ro JASDF contingent hay ginpangunahan ni Major Kazunori Takahara, halin sa 1st Tactical Airlift Wing. Nagpasakop man ro mga nagtambong sa subject matter expert exchange (SMEEs) sa paandam, pagsubaybay, ag search and rescue.
