KALIBO, Aklan–Gusto ni Kalibo Sangguniang Bayan member Augusto Tolentino nga ibalik eon lang ro tatlong dag-on nga termino it mga barangay official sa baylo nga ubrahon raya nga limang dag-on.
Suno kay Tolentino, bukon imaw it pabor nga paeawigon pa ro termino it mga opisyal it barangay kaeakip ro Sangguniang Kabataan.
Makabig suno kana nga sobra-sobra eon ro pagpabilin it mga raya sa pwesto matapos ro pilang dag-on nga pagpaiway it barangay elections.
Tyempo eon sigon para ipadayun ro eleksyon agud nga makailihir it mga bag-ong lider.
Nagakadapat eamang suno kana nga mataw-an it kahigayunan ro iba pang aspirante nga magpadaeagan ag pamatud-an ro andang ikasarang.
Ro pagpaiway sigon it election hay sangka political action it ibabaw bilang preparasyon sa pagahiwaton nga Senatorial elections.
Mabahoe sigon ro posibilidad nga gamiton ro mga kapitan sa eleksyon pinaagi sa pagpaeawig it andang termino.
