NATIONAL News — Gintindugan it Securities and Exchange Commission ro andang naunang desisyon nga ipasarado ro online news website nga Rappler base sa anunsyo it andang CEO nga si Maria Ressa.
Ginpahayag it 2021 Nobel Peace Prize laureate ro anunsyo sa anang diskurso sa East-West Center international media conference sa Hawaii.
“In an order dated June 28, our Securities and Exchange Commission affirmed its earlier decision to revoke the certificates of incorporation of Rappler Inc. and Rappler Holding Corporation. We were notified by our lawyers of this ruling that effectively confirmed the shutdown of Rappler.” kaparte it pahayag ni Ressa.
Apang nagpanindugan si Ressa nga iga-apela nanda ro desisyon ag “business as usual” gihapon ro andang news organization.
Ko 2018, ginmandu it SEC ordered ro pagkansela sa certificate of incorporation it Rappler bangud nga gina-alegar nga ginpasugtan it nasambit nga news organization ro foreign investor nga Omidyar Network, sangka investment company nga ginapanag-iyahan it eBay auction site founder Pierre Omidyar nga makaangkon it Philippine Depositary Receipts (PDRs), sangka financial instrument nga pwedeng mabakae it foreign entities para sa financial returns sa sangka lokal nga kompaniya apang bukon it sa porma it dividends nga gina angot sa ownership.
