KALIBO, Aklan—Nagpatigayon it rally ro grupong Bagong Alyansang Makabayan ukon Bayan Aklan kadungan sa inagurasyon ni President Ferdinand “Bongbong” Marcos Jr.
Suno kay Mr. Kim Sin Tugna, provincial coordinator it Bayan Aklan nga ro andang aktibidad hay para ipaabot sa bag-ong gobyerno ro mga nauna eon nanda nga ginaduso partikular ro sa rice tarrification law ag ro pagsuspinde sa fuel excise tax kasunod it sigidas nga pagtinaas ko presyo it produktong petrolyo kon siin uwa raya nasambit sa inaugural speech it presidente.
Raya ro rason kon ham-an it may ginpatigayon nga nationwide rally.
Apang, ro nasambit nga aktibidad hay nakaangkon it tension sa tunga it grupo nga NAPOCACIA.
Raya hay matapos nga may outsider nga nataeopangdan ro andang marcial nga nagabueo it video ag pictures samtang ginapatigayon ro andang aktibidad.
Base suno kana sa ginasundan nanda nga laye ag polisiya, bawae sanda nga boe-an it video partikular kon raya hay para sa personal nga purpose.
Ginpanginwaea man ni Tugna ro alegasyon kontra kanda nga ginliab ro miyembro it NAPOCACIA nga nagpaeapit sa andang grupo kundi ginhawiran eamang raya ag ginkompronta.
