NATIONAL News — “Break the chains of divisiveness.”
Raya ro naging panawagan ni Pangueong Ferdinand Marcos Jr. sa tanan nga mga Pilipino sa anang naging mensahe sa Eid’l Adha.
“Let us therefore offer ourselves for the sake of others and take to heart the lessons we learn so that we may be rewarded spiritually and become worthy recipients of Allah’s manifold blessings and protection,” suno kay Pangueong Marcos.
Uman man kara nga gin-insister ro anang campaign message nga ‘pagkaeasugot.’
Nauna kara, gindeklara ni Pangueong Marcos ro adlaw it Sabado, Hulyo 9, bilang regular holiday.
Ro Eid al-Adha ukon Eid ul-Adha hay ro pang-ulihi sa daywang kapistahan it Islam sa bilog nga kalibutan kada dag-on kaibahan ro Eid al-Fitr nga ginakabig bilang pinaka-sagrado sa daywa.
Ginadumdum kara ro pagpasugot ni Ibrahim nga isakripisyo ro anang unga nga si Ismael, bilang sangka hilimuon it pagsunod sa Diyos.
Apang, antes nga masakripisyo ni Ibrahim ro anang unga, nagtaeana ro Diyos it koderong pangsakripisyo.
Ro pagdumdum hay pinaagi sa ritwal nga ginasakripisyo ro sangka sapat nga kaeabanan hay karnero.
Ginakonsumo ro 1/3 it karne kara it pamilyang nagahaead it sakripisyo, samtang ginapanupod ro nabilin nga parte sa mga pobre ag nagakinahangean.
Nagataeaw-an ro mga tawo it mga matam-is nga bagay ag regalo kamana man nga ginabisitahan ag ginapasalubungan ro mga igbata.
Ginpahayag pa ni Marcos nga sa pag-umpisa it anang administrasyon, dapat nga maging haum ro nasyon sa tanan nga mga pagsubok.
“The journey ahead of us will not be easy, but if we fight for what is right and predicate our every action on our love for our fellowmen and women, our people will surely benefit from the results of our individual choices,” pahayag it Pangueo.
