Napaseawan nga maka-abante sa masunod nga round ro Gilas Pilipinas 3×3 matapos piyerdihon it New Zealand sa semifinals it FIBA 3×3 nga ginhiwat sa Singapore.
Daog ro New Zealand sa score nga 21-13.
Naka-angkon man it fast start ro New Zealand ag naiposte ro 8-4 lead.
Eubos ro depensa it Gilas para nga makapuntos sa two-point area apang nalisdan ro mga Pinoy.
Nagtao pa it pageaum sa Pilipinas ro two-pointer ni Samboy de Leon ag nalista ro 16-10 nga score.
Apang sa nabilin nga 4:41 hay uman ro pag-arangkada it New Zealand para maka-iskor ag nakontrol ro hampang sa score nga 18-10 ag owa eon naka-eagas pa ro Gilas.
Samtang, maka-engkwentro man it nasyon para sa bronze medal engkaso makahampang kara ro napiyerde sa sambilog pa nga semifinal sa tunga it Australia ag China sa third-place game.
