Nagtaas pa sa masobra 30 katawo ro death toll ukon numero it mga namatay matapos ro pagtama it Russian strike sa sangka apartment block sa Donetsk region it eastern Ukraine.
Madumduman nga ku nagtaliwan nga Dominggo, tumama sa residential building sa banwa it Chasiv Yar matapos ro pag pangbomba it Russia sa mga lugar sa eastern Ukraine sa paghana nga makontrol ro bilog nga Donbas area.
Suno kay Pavlo Kyrylenko, head it Donetsk region military administration, kapin sa 34 katawo ro namatay kung siin kaeakip eon kara ro sangka onga samtang 9 man ro ninahan sa nasambit nga pag-atake.
Sa makaron, padayon sa gihapon ro ginapatigayon nga rescue operation kung siin kapin sa 70% eon ro na-clear it Emergency Services umpisa nga sa nawasak ro nasambit nga apartment block
