-- ADVERTISEMENT --
Uman nga ginapa-usisa ni Senator Nancy Binay sa 19th Congress ro mga isyung may kaangtanan sa pagsabat it nasyon sa COVID-19 pandemic.
Suno kay Binay, sa oras nga magbukas ro Committee of the Whole it Senado hay dapat uman nga usisaon ro mga pending nga isyu.
Halimbawa kara ro vaccination programs, access sa COVID-19 boosters, estado it mga healthcare workers, health and pandemic statistics, exit plans ag iba pa.
Nag-apela man ro senadora sa publiko nga magpaturok eon it booster shot eabi eon ag nagatinaas ro kaso it COVID-19.
