Owa eon ginataw-an it atensyon ni Gilas Pilipinas head coach Chot Reyes ro mga batikos nga anang nababaton bangud sigon sa mahinang performance it national basketball team.
Ginpahayag ni Reyes nga naka-sentro ro anang atensyon makaron sa mga hampang it koponan ag indi nana pagpatulan ro mga nagabatikos kontra kana.
Ro andang kadaeag-an kontra sa India ko gabi-i it Biyernes sa score nga 101-59 hay sambilog sigon sa pagbawi nanda sa makasueobo nga kapas-eawan sa alima it Lebanon sa score nga 80-95 ko Miyerkules kung siin ro hampang hay ginhiwat sa Jakarta, Indonesia.
Dugang pa it beteranong coach nga ro nasambit nga trabaho hay gintao eamang kana.
Aminado man imaw nga owa pa kara nabilog ro pinaka-mayad nga basketball team nga magasabak para sa FIBA World Cup sa masunod nga dag-on rason nga padayun ro anang ginahimo nga ensayo.
