Nagserbing inspirasyon sa mga Aklanon ro viral post ni Jeffil James Zonlina matapos nga ginpakigbahin kara ro anang eksperyensya sa anang pag-eskwelahan umpisa sa elementarya hasta nga makatapos it kolehiyo.
Si Zolina hay nag-graduate sa Aklan State University (ASU) main campus sa kursong Bachelor of Science in Accountancy bilang Cum Laude.
Suno kana, owa naging madali ro anang gin-agyan samtang nagatuon bangud sa kakuenagan it pinansyal nga suporta.
Grabeng kalisod ro gin-agyan ni Zolina kaibahan ro anang magueang nga babaye kung siin raya ro kaibahan nana sa pagbinaktas it pilang kilometro para makaabot sa eskwelahan.
Naging school boy sigon imaw umpisa it elementary ag nagpasaylo-saylo it amo hasta nga makatapos it kolehiyo.
Naging inspirasyon sigon nana sa pag-abot it anang mga handom ro anang pamilya eabi eon ro anang nagtaliwan nga manghod nga eaeaki.
Raya sigon ro nagtao kana it determinasyon nga magpadayun ag magpursigi nga makatapos it pagtuon.
Sa makaron, plano anay nana nga magsueod sa pagka-police para suportahan ro ambisyon it anang magueag nga maging abogada antes mag-review para magbuoe it board exam sa Accountancy
