SHOWBIZ News —- Agaw-atensyon si Graciella Lehmann it Oriental Mindoro sa national competition it Binibining Pilipinas 2022 pageant bangud sa anang suksok nga “tikbalang” nga pilang metros ro kataason.
Ginpatigayon ro kompetisyon sa New Frontier Theather sa Araneta City sa Quezon City ko Hulyo 16, kun sa siin ginpakita it 40 ka mga kandidata it kompetisyon ro andang natungdan nga mga national costume inspired sa nagkaeain-eain nga parte it nasyon.
Maskin nga owa raya naeakip sa paghuyap it mga score para sa korona, sambilog gihapon ro national costume competition sa ginabantayan it crowd bangud dikara ginapakita ro creativity it mga Filipino ag kun paalin nga mag-compete ro kada kandidata pinaagi sa pagrepresentar it mga lugar nga andang ginhalinan.
Napa-wow ro mga tumaean-aw kat naguwa si Lehmann suksok ro costume nga gin-obra it TV host ag aktor nga si Paolo Ballesteros, ag gindunganan pa raya it kandidata nga ro pagtikang hay matsa kabayo man.
Sa Hulyo 31 hay nakataeanang iga-anunsyo ro nagdaog sa “Best in National Costume” kadungan sa grand coronation night sa Smart Araneta Coliseum sa Araneta City, Quezon City.
