Nagpaguwa eon it abiso sa komunidad ro gobyerno it HongKong kasunod it naeksperyensyahan nga mainit nga panyempo.
Suno kay Bombo International Correspondent Jackie Torate it Kowloon, HongKong nga una eon sa hot warning ro rehiyon ag posibleng magabuhay hasta sa buean it Agosto.
May kaangtanan kara, nag-abiso sigon ro gobyerno sa mga pumueoyo nga hagan haganon ro mga outdoor activities ag mahimo eamang raya nga himuon sa agahon ukon hapon kon siin nga uwa eon it silak.
Mag-eowas kara, gin-abisuhan man sanda nga mag-inom it maabong tubi agud nga mabuhinan ro kainit nga nabatyagan partikular ro mga magueang nga naga-istar sa government building.
May mga nabalita eon suno kana nga nagakamatay bangud sa atake sa andang mga baeatian tuga it suffocation it mainit nga panyempo ag sambilog eon kara ro sangka pinay helper nga nasapwan eon lang it anang employer sa sueod it anang kwarto nga uwa eon it kabuhi.
Maskin ro philippine embassy sa nasambit nga rehiyon sigon hay sigidas ro padumdom kanda nga mga overseas filipino workers nga buhinan anay ro mga outdoor activities agud nga malikawan ro mainit nga panyempo.
