NATIONAL News — Ginatantiya it Malakanyang nga P15 bilyong piso ro posibleng matipid halin sa cash doles program it Department of Social Welfare and Development (DSWD).
Raya hay matapos matukiban nga 1.3 milyong benepisaryo ro owa eon ginakonsiderang pobre makaron.
Apang, pagagamiton man raya sa mga bag-ong kuwalipikadong benepisaryo it 4Ps.
Ro nasambit nga pahayag ni Press Secretary Trixie Cruz-Angeles hay kasunod it naging report ni Social Welfare Secretary Erwin Tulfo sa Cabinet meeting sa Malakanyang.
Suno kana nga presenteng ginaproseso ro pag-validate it DSWD sa listahan it 1.3 milyong Pantawid Pamilyang Pilipino Program beneficiaries nga bukon eon it kuwalipikado nga makabaton it cash aid ukon ayuda bangud nga nagnami eon ro kabuhi it mga raya.
Sa pihak nga parte, ginpahayag ni Tulfo nga bukon pa it pinal ro numero it mga benepisaryo nga maduea sa listahan bangud nga pwede pa sigon nga magtaas ag madugangan.
Ginasugid nga 600,000 ro presenteng gina-interview it departamento
“It was his marching order to clean the 4Ps list kasi nakakarating na ho sa kanya eh, na may mga sumbong na rin ho sa kanya, at saka nababasa niya ho sa social media because the President is also active sa social media,” pahayag ni Sec. Tulfo.
