Nagpaandam ro China sa US it seryosong consequences engkaso nga madayon ro planong pagbisita ni US House of Representatives Speaker Nancy Pelosi sa Taiwan nga ginakabig it China nga andang teritoryo.
Suno kay Colonel Tan Kefei, spokesman it Chinese ministry of defense, nga posibleng maka-angkon it military response ro Beijing engkaso nga madayon ra.
Indi sigon magpabaya ro militar it China ag gilayon nga magahimu it tikang para mapunggan ro ano man nga external interference ag separatist attempts para sa kahilwayan it Taiwan.
Samtang, suno sa US state department, owa pa it gina-anunsiyo si pelosi nga planong pagbisita sa Taiwan apang nagapanindugan raya nga sa approach it Estados Unidos sa Taiwan.
Sa pihak nga parte nauna eon kara ro orihinal nga plano ni Pelosi nga pagabisitahon ro Taiwan ko nagtaliwan nga Abril apang owa nadayon matapos rayang magpositibo sa covid-19.
