Nagapabilin nga normal ro sitwasyon sa nasyon it Taiwan sa pihak it ginpatigayon nga military drill it mga soldado it China.
Ro nasambit nga tikang hay kasunod it pagbisita ni US house speaker representative Nancy Pelosi sa Taiwan bilang pagpakita it suporta it Estados Unidos.
Suno kay Bombo International Correspondent Marife Tulio it Taipei, Taiwan uwa nahadlok ro andang gobyerno kon siin uwa sigon it anuman nga senyales nga nagahueag sanda agud nga patulan ro China.
Kapin sa 20 kilometers sa teritoryo it Taiwan ro military exercises it China.
Uwa suno kana naila ro gobyerno sa China bangud sa mga ginapasueod nga produkto nga peke ag uwa it quality.
Gusto it Taiwan nga magapabilin nga independent ag may projection ro mga political analyst sa nasambit nga lugar nga engkasong maghueag eon ro Taiwan hay posibleng magasiklab ro gyera sa tunga nanda it China nga eubus man nandang ginakabaeak-an nga mga overseas Filipino workers nga presenteng nagatrabaho sa nasyon sa oras nga matabo raya.
Ginpahayag dugang ni Tulio nga nagaguwa sa report it local media sa Taiwan nga matsa ginagatungan it Estados Unidos ro daywang nasyon para makaangkon it kinagamo.
