-- ADVERTISEMENT --
Sangka vehicular incident ro nag-eontad kahapon sa may Barangay Panayakan sa banwa it Tangalan.
Dead on arrival sa Provincial Hospital ro biktimang ginkilaea kay Mark Kevin Pantalion residente it Afga Tangalan ag sa legal nga edad.
Sandig sa imbestigasyon it Tangalan PNP, maghalin sa sangka namatyan ro biktima ag pauli eon kunta sa andang panimaeay tag natabo ro insidente.
Naduean sigon it kontrol sa ginamanehar nga motor ro biktima ag gilayon nga natumba sa karsadahon it nasambit nga lugar.
Mag-euwas sa grabe nga lastro nga naangkon ni Pantalion sa bahin it ueo, naka-angkon pa gid raya it nagakaeain-eain nga lastro sa anang kaeawasan bangud sa nasambit nga insidente.
-- ADVERTISEMENT --
