Nagpatigayon it special session ro Sangguniang Panlalawigan it Aklan ag ginpasa ro sangka resolusyon nga nagabawi sa deklarasyon bilang persona non grata ro mga kongresista nga sanday Luis Reymund F. Villafuerte, Congressman it 2nd District it Camarines Sur; Cong. Miguel Villafuerte, Congressman it 5th District it Camarines Sur; Tsuyoshi Anthony G. Horibata, Congressman it 1st District it Camarines Sur ag Nicolas C. Enciso VIII, Congressman Representing Bicol Saro Party List nga mga nagapangunang proponent sa uman nga pagbuhi sa hagna nga Boracay Island Development Authority government-owned and controlled-corporation ukon BIDA GOCC.
Ginpaathag ni Aklan second district board member Jay Tejada nga kon nabaton eagi nanda it mas temprano ro sueat nga nakabaehag ro pagbawi it mga kongresista sa uman nanda nga pagbuhi sa BIDA Bill hay uwa eon umabot pa nga gin-insister it Aklan LGU’s ro andang panindugan nga ideklara sandang persona non grata sa isla it Boracay ag sa bilog nga probinsya it Aklan.
Raya eon sigon ro pinakamabug-at nga ginhimo it sangguniang officials sa kaparehong legislators sa history it pulitika sa Aklan.
Nagapamatuod eamang sigon raya nga inde dapat tapakan ro kinamatarong ag otomiya it Aklan LGU’s.
Handom ni Tejada nga uwa eon it kongresista nga magahana sa uman nga pagbuhi sa BIDA Bill para sa kalinungan it tanan.
