KALIBO, Aklan–Ro asthma ukon hika hay sangka kondisyon nga nakakaapekto sa aeagyan it hangin sa respiratory system it sangka tawo.
Sambilog sa klase kara hay ro bronchial asthma nga nagatuga it kakueangan it ginhawa ukon shortness of breath.
Suno kay Dr. Feven Anthony Palomar, Internist-Pulmonologist nga pila sa mga sintomas it asthma hay ro kakueangan it ginhawa, wheezing, paggutok it dughan, pag-ubo ag iba pa.
Owa man it naga-isaeahanon nga pagtan-aw nga makatao it nagakaigo nga sabat kung ro sangka tawo hay may una nga asthma, mag-euwas eon lang sa pagpatigayun it spirometry ukon pagsukat sa kapasidad it baga sa pagginhawa.
Mag-euwas sa pag-test it asthma, ginagamit man ro spirometry para sa ibang kondisyon nga nakakaapekto sa pagginhawa kapareho it chronic obstructive pulmonary disease.
Tandaan nga ro asthma hay makamaeatay nga kondisyon eabi eon kung ro sangka grabeng asthma attack hay owa eagi naagapan.
Apisar nga owa eubusang nabubueong ro asthma, posibleng mapunggan ro mga sintomas ag pag-grabe it kondisyon.
