Nagapadayon ro imbestigasyon it Banga Municipal Police Station angot sa insidente it pagpang-eabo sa Brgy. Venturanza nga natabo ko dominggo it aga-aga.
Suno kay PSSgt. Danilo Dalida it Banga PNP, padayon pa nanda nga ginaimbestigahan ro insidente kaeakip ro person of interest nga gintumod it biktima.
Ginapahayag nga human sa light materials ro baeay ag uwa it maskin anong trangka nga malig-on rason nga madali nga nakasueod ro suspek sa likod nga parte it baeay.
Uwa suno kay PSSgt. Dalida it kaaway ukon kontra ro biktima sandig man sa andang pagpangusisa sa lugar ag sa mga himata kara.
Madumduman nga nakaangkon it minor injury sa sag-ang ro biktimang si Jaypee Dalida matapo nga ginsaka sa baeay nga anang gina-istaran ag gin-eabo it uwa makilaea nga suspetsado.
Samtang sa pihak nga parte, ginpadumdom ni PSSgt. Dalida ro tanan nga maging mapagmatyag ag alerto agud nga malikawan ro kaparehas kara nga insidente.
Bukas suno kana 24/7 ro andang hotline number sa gilayon nga pagreport it mga insidente nga nagakinatabo sa andang lugar.
