Gin-engganyo it Commission on Audit ukon COA ro taeatapan it Procurement Service of the Department of Budget and Management (PS-DBM) para ibalik sa Bureau of Treasury ro P3 billion sa dormant funds nga gin-invest sa high yield savings.
Ginrekomenda it COA sa sangka sueat nga ginpadaea kay PS-DBM OIC Atty. Jasonmer Uayan nga may petsang June 29 nga manduan ro Head, Treasury Division para insigida nga i-remit ro balance it high yield accounts nga P3 billion.
Sandig sa records nga ginreview it COA, nagaguwa nga nag-invest ro PS-DBM sa high yield savings account it Land Bank of the Philippines (LBP) ag Development Bank of the Philippines para makatipon it mataas nga interest rates kumpara sa current ukon savings account.
Apang ro nasambit nga investments hay terminated eon ko nagtaliwan pang 2020.
Ro nasambit nga kantidad hay ginbalik sa current account it PS-DBM sa LBP ag ro pondo nga nagabalor it P3.001 billion sa DBP hay nagaguwa nga cash in bank – time deposits, local currency.
Nakatipon ro P3 billion deposit ngara it kapin sa P1.363 million nga interest income nga ginbalik man sa sa Treasury bureau ko nagtaliwa nga March 18, 2022.
Apang gin-insister it COA nga dapat nga maging ro P3 billion nga haega hay maibalik man sa national treasury’s general fund.
Sa idaeom it Executive Order No. 431 nga gin-isyu ko 2005 ag sa 2012 joint circular nga gin-isyu it DOF, DBM ag COA,tanan nga dormant accounts ag unnecessary special ag trust funds h dapat nga maibalik sa general fund.
Ro mga inactive accounts nga masobra limang dag-on eon hay ginakonsiderang dormant.
