Plano it pilang mga overseas Filipino workers sa Indonesia nga usisaon kay Pangulong Ferdinand Marcos Jr. ro nagapangunang katuyuan it pagtukod it Department of Migrant Workers.
Suno kay bombo international correspondent Rudy Celeste it Jakarta ag representative it Alliance of Filipino Overseas Community sa nasambit nga nasyon nga hasta makaron hay bukon it klaru kanda ro kaundan it Republic Act 11641 ukon ro laye sa pagtukod it nasambit nga departamento.
Samtang, excited ag malipayon sigon sanda sa nakataeanang meet and greet sa pangueo eabi eon sanda nga mga BBM supporters nga nataw-an it kahigayunan nga makatambong sa event.
Owa sigon nagkasaea si Marcos nga ginpili ro Indonesia bilang unang destinasyon para sa anang kauna-unahan nga state visit sa Setyembre 4 hasta 6 nga pagasundan it Singapore sa Setyembre 6 hasta 7.
Ro Indonesia suno kana ro makabig nga pinakamaumwad nga nasyon makaron sa bilog nga southeast asia.
Gindugang pa ni Celeste nga pagasayuron man nanda halin sa pangueo kon ano ro posible nanda nga ika-amot sa anang administasyon ag sa Pilipinas sa pangkabilugan.
Ginaeauman nga bangud sa state visit ni PBBM hay mas pang magabaskog ro bilateral relations it daywang nasyon.
Ginapatihan nga iga-promote it pangueo ro trade and investment agud nga suportahan ro economic agenda it Pilipinas sa idaeum it anang administrasyon
