Linibu nga mga scorpion ro gina-alagaan sa sangka scorpion farm sa Sanliurfa, Turkey ag ginaboe-an it venom agud nga gamitong ingredient sa mga bueong.
Agud nga makapag-extract it venom, nagagamit ro mga lab employees it tweezer ag tong agud nga makapuga it sangka patak nga venom halin sa scorpion.
Ro mga natipon nga venom hay ginabutang sa sangka special freezer agud nga magtig-a ag sa ulihi hay gina-obrang powder antes nga ibaligya sa pharmaceutical companies.
Suno sa tag-ana it Scorpion farm nga si Metin Orenler, ro sangka scorpion hay may ikasarang nga mag-produce it 2 milligrams of venom.
Sa kaabuon it scorpion nga gina-alagan sa anang farm, nakaka-harvest sanda it daywang grams it venom sa sang adlaw.
Nagbukas ro farm ni Orenler ko 2020 ag sa makaron, may 20,000 scorpions sandang gina-alagaan.
Sa European countries kapareho it France, U.K., Germany ag Switzerland kaeabanan nga ginabaligya ro scorpion venom nga gina-harvest.
Ginagamit man ro venom bilang ingredients sa cosmetics, skin care products, painkillers ag antibiotics.
Sa makaron, nagabalor ro 1 liter it scorpion venom it $10 million dollars.
