Nagapakig-angot eon ro Department of Health sa mga manufacturer it new generation Covid-19 vaccines target ro Omicron variant.
Suno kay DOH officer-in-charge Ma. Rosario Vergeire nga gina-asikaso eon it taeatapan ro pilang kinahangeanon nga requirements kapareho it non-disclosure agreement ag term sheets para sa procurementit nasambit nga bakuna.
Apang suno kay Vergeire nga ro shipments it nasambit nga bakuna hay ginaeauman nga maga-abot sa nasyon sa unang quarter it dag-on 2023 bangud kinahangean pang i-evaluate it local health authorities.
Sandig sa latest sequencing run, naka-detect it 436 nga bag-ong kaso it omicron subvariants sa nasyon.
Madumduman nga una eon nga ginpahayag ni Pangueong Bongbong Marcos nga igakonsidera it gobyerno ro pagbakae it mga bakunang target ro Omicron variant ag maging ro subvariants kara.
Sa pihak nga parte, nasayuran nga ro United Kingdom ro unang nasyon nga nag-apruba sa Moderna covid-19 Omicron-targeted vaccine.
