Magapatigayon it 24 oras nga lying-in-state ukon ro tradisyon kung siin ro bangkay it sangka deceased official hay ginahamyang sa sangka state building, sa guwa ukon sueod it coffin, para mataw-an it kahigayunan ro linibong tawo nga gusto nga maghaead it tribute sa nagtaliwan nga Queen Elizabeth II.
Libo-libong nga tawo ro ginaeaumon nga magatao it respeto sa pinakamabuhay nga reyna it Britanya antes ro anang state funeral sa Setyembre 19, nga pagatambungan it tanan nga mga lider sa bilog nga kalibutan.
Suno sa ministry nga pagasugtan ro publiko nga magtao it tribute umpisa 5pm local time sa adlaw it Miyerkules Setyembre 14 hasta 6:30am it Setyembre 19.
Ro mga naila magtambong hay kinahangean nga magpila, eauman eamang nga mabuhayan ag posibleng abuton eon it agahon sa pagpinieila.
Pagaeauma man ro striktong security checks nga mala-airport style sa pag-agto sa Westminster Hall kung siin igapatigayon ro lying in state, raya ro pinakamagueang nga epidisyo sa Britain parliament ag igapatuman man ro hugot nga pagtutok sa seguridad kung siin mga maintok ga bag eamang ro puwide nga daehon.
Paga-umpisahan ro lying-in-state pamaagi sa ceremonial procession sa tunga it London para daehon ro kabaong it reyna maghalin sa Buckingham Palace hasta Westminster Hall sa adlaw it Miyerkules.
Pagabutangon ro saradong kabaong ni Queen Elizabeth sa sangka mataas nga platform, nga kung tawgon catafalque, sa Westminster Hall ag pagabutangon sa Royal Standard nga may Orb ag Scepter nga nakabutang sa ibabaw.
Kada binit it platform hay pagabantayan man 24 oras it mga unit maghalin sa Sovereign’s Bodyguard, Household Division, ukon Yeoman Warders it Tower of London.
