Magapatigayon it rollback sa presyo it produktong petrolyo epektibo makaron nga adlaw it Martes.
Suno kay John Antoy sangka pump boy it Shell gasoline station nga apisar nga may pagnaba sa presyo it langis hay maabo sa gihapon ro mga motoristaro nagpatughong antes ro mismong adlaw it rollback bangud sa pila malang sigon ro pagnaba it presyo kada litro.
Nasayuran nga kapin sa 0.35 centavos eamang ro pagnaba sa kada litro it gasolina, P1.10 man sa kada litro it diesel ag 0.45 sa kada litro it Kerosene.
Ro nasambit nga rollback hay matapos ro sunod nga daywang dominggong pagtaas it presyo it langis nga umabot sa kapin P4 pesos kada litro.
Sa pihak nga parte, nagakabaeaka man ro pilang ka mga motorista sa posibilidad nga pagkatapos it sangkiri nga rollback hay ro pagpatuman man it bigtime oil price hike sa masunod nga dominggo.
