KALIBO, Aklan—Nagapatigayon eon it clearing operations ro lokal nga gobyermo it Numancia sa Badio Municipal Cemetery pilang adlaw antes ro pista minatay.
Suno kay Gary Rey, caretaker it nasambit nga sementeryo sa sueod eon it 15 anyos nga padayun ro andang paglimpyo sa sueod ag guwa it nasambit nga sementeryo.
Maabu eon man suno kana nga mga pumueuyu ro temprano nga naga-agto sa panchon it andang mga mahae sa kabuhi nga naghaead it bueak ag nagsindi it kandila samtang ro iba hay nagpanglimpyo.
Owa pa man sigon sanda it may nabaton nga reklamo kun sa siin haum sanda nga magtau it assistance sa mga nagakinahangean it bulig.
Ginpadumdum man nana nga indi magbitbit it mga ginabawae nga bagay sa pag-agto sa sementeryo sa mismong adlaw it Undas kapareho it aeak, baraha, sigarilyo ag mga mataeum nga bagay.
Nauna eon nga ginpahayag it Aklan Police Provincial Office nga naka-alerto ro andang linyada sa maabot nga pista minatay.
