-- ADVERTISEMENT --
Nagapabilin nga bastante ro supply it bugas sa bilog nga probinsya it Aklan.
Raya hay maskin nga binaha it nagtaliwan nga bagyong Paeng ro ibang taeamnan nga uwa pa naani it mga mangunguma.
Suno sa negosyante it bugas sa Kalibo public market nga si Jay Delos Santos, supisyente pa it stocks ro andang supplier maghalin sa Iloilo.
Ro pinakamanaba nga presyo it bugas hay 36 pesos kada kilo ro regular samtang 52 pesos ro Jasmine rice.
Ko mga nagtaliwan nga adlaw suno kay Delos Santos hay medyo mahina ro baeak-ean it bugas ag ginatan-aw nga posibleng bangud sa mga ayuda nga food assistance it gobyerno sa mga apektadong residente it nagtaliwan nga bagyo.
-- ADVERTISEMENT --
