Sigidas ro pagpahaom it Aklan provincial government para sa nakataeana nga Paskwahan sa Kapitolyo.
Raya hay dag-unan nga ginapatigayon kon siin may nagkaeain-eain nga event nga ginapatigayon kada gabie.
Suno kay Aklan provincial tourism officer Ms. Roselle Ruiz, sa Disyembre 8 hay pagabuksan ro giant christmas tree ag ro mga christmas lights nga nakapalibot kara.
Mag-eowas kara, may live band nga magaperforma ag pagasundan it fireworks display.
Ginpahayag dugang ni Ruiz nga 23 ka mga food stalls ro kumpirmado nga makipagbahin sa aktibidad nga ginakaeakipan it mga ilimnon, kakanin, pika-pika ag maabong iba pa.
May mga performers suno kana nga magaperform kada gabie kon siin ro nasambit nga aktibidad hay ginaabangan gid kada dag-on ag magabuhay hasta sa Disyembre 23.
Ginaeauman nga pagadagsaon it maabo tawo ro opening of lights sa may bahin it capitol.
