Dismayado ro pamilya Tabaosuarez matapos nga mahueog sa homicide ag frustrated homicide ro kasong murder nga ginpasaka nanda kontra sa suspek nga nagbaril-patay sa andang unga ko Nobyembre 16 sa isla it Boracay.
Suno kay Herlyn Tabaosuarez, ina it biktimang si Benjie Quiachon nga gusto nanda nga mataw-an it hustisya ro pagkamatay it anang unga matapos raya nga makapilang beses nga ginbaril it suspek nga si PSSgt. Lloyd Reymundo.
Ginapahayag nga kueang sigon ro ebedinsya ag owa it pagtraidor nga natabo sa pagpatay sa biktima.
Gin-insister pa kara nga owa it kahilabtanan ro biktima sa natabo nga komusyon sa sueod it sangka bar ag nadaeahig eamang raya.
Sa pihak nga parte, nagpanindugan man ro iba pang paryente it biktima nga igapakigbato nanda ro kaso para mataw-an it hustisya ro anang pagkamatay.
Ginpahayag ni April Quiachon, tiya it biktima nga indi sanda magpa-areglo bangud owa it kapatawaran ro gin-ubra it suspek.
Mabuot sigon nga klase it tawo si Benjie ag owa it anumang record nga nakaangkon raya it kontra sa lugar.
