Posible kungta nga napunggan ro pagkamatay it dosenang mga inmates sa New Bilibid Prison (NBP) kung nataw-an it maayos nga medical attention ro mga raya sa andang baeatian.
Ginpahayag ni Corrections Technical Senior Supt. Ma. Cecilia Villanueva, kapin sa limang doktor eamang ro nakataeana para tan-awon ro ikamayad nga eawas it masobra sa 29,000 inmates nga una sa national penitentiary.
Sa bilog nga nasyon sigon, may kapin sa tatlong doktor eamang ro may una sa an-om nga iba pang mga kulongan it Bureau of Corrections (BuCor) samtang sangkiri eon lang man ro mga nurses nga may kapin sa 300 eamang para mag-asikaso sa mga may masakit naga inmates sa mga kulongan.
Samtang, kaeakip sa mga nagapangunang rason it pagkamatay it mga inmate sandig sa nakabutang sa andang death certificate hay bangud sa acute myocardial infarction ukon heart attack, pneumonia, cardiorespiratory arrest ukon sudden loss of breathing ag heart function.
