Nagpatigayon it special session ro sangguniang panlalawigan it Aklan kon sa siin gintalakay it mga raya ro isyu nga hana nga magbaton it international flight sa Godofredo P. Ramos Airport sa Caticlan, Malay.
Raya hay kasunod sa plano it San Miguel Corporation nga sanda ro nagamanehar sa paeoparan nga pagahugpaan it international flights maghalin sa nasyon it Taiwan.
Angot kara, ginpahayag ni Aklan second district board member Jay Tejada nga ginkakibot nanda ro nasambit nga impormasyon maghalin sa Bureau of Immigration nga kon sa siin ginapapahaom ro nasambit nga paeoparan.
Bangud kara, gilayon nga nag-aksyon si governor Joen Miraflores nga ginmanduan kara ro SP nga magpaguwa it resolusyon angot sa panindugan nga hugot nandang ginaoponeran ro plano it pribadong kompanya.
May kontrata suno kana ro paeoparan kon sa siin inde sanda pwede magbaton it international flights bangud nga nakadesign eamang raya para magbaton it domestic flights.
Gin-insister ni Tejada nga sa domestic passengers pa eamang hay nagapanggutok eon sa karsada ag maabo pa ro kinahang-ea nga himuo antes raya maging international airport.
Mag-eowas kara, mawad-an it kita ro Kalibo international airport rason nga ginpasa nanda ro sangka resolusyon nga igapasa sa opisina it office of the president, civil avaition board ag sa civil avaition authority of the phillippines ukon CAAP
