Nakipag-partner ro Office of the Vice President (OVP) sa 50 ospital ag dialysis centers para paeapnagon pa ro hatod nga medical assistance program.
Bangud kara, sumaka eon sa 84 ro mga kabulig nga public ag private hospitals ag dialysis centers it OVP bilang kaparte it katuyuan karang maserbisyuhan ro mga kababayan it medical ag burial assistance.
Ro nasambit nga mga program ro banner social services it OVP nga gusto ni Vice President Sara Duterte nga mapaeapad ro satellite offices kara para mas maging accessible sa publiko.
Puwedi eon man nga mag-avail it nasambit nga mga serbisyo ro in-patient ag out-patient beneficiaries sa pamaagi it 7 satellite offices sa Bacolod, Surigao del Sur, Davao, tacloban, Dagupan ag Zamboanga.
Gindugang man sa listahan it partner hospitals it OVP ro Jose Reyes Memorial Medical Center, National Children’s Hospital, Philippine Children’s Medical Center ag Philippine Orthopedic Center.
