KALIBO, Aklan—Nagpangayo it pasaylo ro pamunuan it Civil Aviation Authority of the Philippines ukon CAAP-Aklan matapos nga magka-aberya ro ginatos nga mga flights ko domingo sa Ninoy Aquino International Airport ukon NAIA bangud sa mga isyung teknikal nga nagsarado sa airspace it Pilipinas.
Nasayuran nga ro insidente hay nakaapekto sa Kalibo International Airport matapos nga kanselado man kahapon ro mga international ag domestic flights.
Angot kara, ginpasiguro ni CAAP-Aklan manager Engr. John William Fuerte nga ro tanan nga mga airline companies hay may nagakaigo nga komunikasyon sa andang mga pasahero agud nga masabat ro tanan nga mga kinahangeanon ag inquiries.
Ginpahayag dugang nga ro mga pasahero nga nag-demand it pagkaon ag hotel nga matueugan samtang nagahueat it pagbalik it andang flights hay gintaw-an it libreng akomodasyon.
Ro iba hay nakuntento eon lang sigon nga magpabilin sa mga paeuparan.
Sa makaron, pila sa mga stranded nga pasahero hay nakabiyahe eon.
Pahayag pa ni Engr. Fuerte nga balik eon sa normal ro operasyon sa Kalibo airport hin-aga nga adlaw it Martes.
