Padayon pang nadugangan ro numero it mga police officials it Philippine National Police ro nagdihon eon it andang courtesy resignation.
Suno kay PNP chief PGen. Rodolfo Azurin Jr., umabot eon sa 600 ro numero it mga opisyal it Pambansang Pulisya nga nakapagsumite eon it andang courtesy resignation.
Raya hay bilang sabat ag pagsuporta sa gihapon it anang hanay sa naging pag-apela ni Department of the Interior and Local Government Secretary Benjamin Abalos Jr.
Ro nasambit nga high ranking officials sigon nga nagdihon it andang paghalin sa pwesto hay maghalin sa nagakaeain-eain nga rehiyon sa nasyon, samtang ro pila nga mga dokumento mat-a it mga raya nga nai-address sa national headquarters it PNP hay presente nandang ginatipon para maisumite sa five-man committee nga nakataeanang bilugon ni Pangueong Ferdinand “Bongbong” Marcos Jr.
