KALIBOP, Aklan—Haom eon ro lokal nga gobyerno ag ro Kalibo Ati-Atihan Festival Board ukon KAFEB sa pag-judge sa mga magapasundayag nga tribu ag grupo sa limang kategorya nga ginpasakupan it mga raya.
Suno kay Carla Doromal, executive assistant 1 to the office of the mayor nga all set eon ro tanan para sa Ati-Atihan costume contest and street dancing competition nga pagapasakupan it kapin sa 34 ka mga tribu ag grupo.
Makahawat-hawat sigon ro event makaron nga dag-on sa pagbalik it uman sa face to face celebration it ginakabig nga Mother of All Philippine Festivals bangud sa mga maeagkuang premyo nga gintaeana it LGU sa mga magadaog nga participating groups.
Ginpahayag dugang ni Doromal nga kaparehas sa mga nauna eon nga aktibidad sa nagapadayon nga week-long celebration hay ginaeauman nga maging madinaeag-on man ro mga highlights activities.
Mag-eowas kara, ginaekspektar makaron nga agahon ro pag-abot it mga dinapit nga bisita nga sanday Senators Imee Marcos, Ramon “Bong” Revilla Jr. ag Christopher Lawrence “Bong” Go kamana man si PCSO chairman Mike Robles agud nga saksikahn ro ginapabugae nga Ati-Atihan festival it banwa it Kalibo.
