KALIBO, Aklan—Kapin sa 200 ro augmented PNP personnel maghalin sa Aklan Police Provincial Office sa banwa it Ibajay para sa selebrasyon it andang kaugalingon nga bersyon it Ati-Atihan Festival 2023.
Suno kay PSSgt. Jane Vega, tagapaghambae it Aklan PPO nga uwa pa it eabot sa nasambit nga numero ro emergency responders, reservist, Philippine Army ag iba pang force multipliers.
Raya nga tikang hay agud nga masiguro ro kaeowasan it mga deboto ni Sr. Sto. Niño de Ibajay nga magatambong sa anang kapyestahan.
Angot kara, ginpahayag dugang ni PSSgt. Vega nga paga-eauman it mga bisita nga kon anu ro restriction nga ginpatuman sa banwa it Kalibo sa kaparehong selebrasyon hay imaw man ro igapatuman sa banwa it Ibajay.
Nakalatag eon sigon ro security measures kasunod it pag-arangkada it pila ka mga aktibidad kada adlaw nga kaparte man it andang week-long celebration.
Apela nana sa mga makipagbahin sa nasambit nga okasyon nga sundon eamang ro mga protocols agud nga maangkon ro malinong ag matawhay nga selebrasyon.
