Kun napahagan-hagan eon ro baeatyagon it mga bumaeakae sa sangkiri nga pagnaba it presyo it sibuyas, nagmahae man ro lokal nga bawang.
Base sa price monitoring it Department of Agriculture, maskin nga may supply pa it native nga bawang ro pilang baealigyaan sa Metro Manila, nagataas man ro presyo kara it hasta sa P400 per kilo.
Raya hay kumpara sa P100 nga kada kilo it imported garlic nga kaeabanan nga nagahalin sa China ukon Taiwan.
Ginpaathag it Samahang Industriya ng Agrikultura ukon Sinag nga kaeabanan nga naga-nipis ro supply it bawang hasta Pebrero bangud nga Marso pa ro anihan.
Sa pihak kara, nagapati si Sinag Chairman Rosendo So nga malabong magtaas it hasta sa P600 ukon P700 ro kada kilo it bawang kapareho it natabu sa sibuyas, eabi pa ag P80 hasta P100 eamang ro imported.
Possible sigon nga owa it may magbakae it lokal nga bawang kun mas pa raya nga magamahae.
